為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 鋈意麟情 2019 年 01 月 03 日

李鋈麟

李鋈麟博士,太平紳士,銅紫荊星章(東華三院顧問2018-2019、北京市政協委員、全港各區工商聯永遠榮譽會長、鳳凰慈善基金會主席、比富達資產管理有限公司主席)

金句encore(二)

(1)唔好將所有問題都推卸俾其他人,否則,你會永遠成為一個唔值得信任嘅人。

(2)唔好試圖改變一個人或相信佢會改變,亦唔好將自己嘅想法放喺別人身上。

(3)培養自己嘅愛好同興趣,並且要堅持下去。

(4)如果你唔鍾意o依家嘅生活,一係你就設法換過一種生活,一係就收聲。

(5)多睇吓外面嘅世界,保持好奇心,增長見識,拓闊眼界。

(6)養番啲花花草草或小寵物,培養一顆善良親切嘅童心,熱愛生活,親近大自然。

(7)兩個人嘅溝通,70%係情緒,30%係內容。

(8)喺意見唔統一嘅時候,唔好再固執己見,而係應該選擇聆聽。

(9)好多時候,最差嘅唔係件事本身,而係你睇嗰件事嘅心態。

(10)喺唔了解一個人嘅情況下,千祈千祈唔好用自己嘅片面去解讀、評價。

(11)做人千祈唔好卑微到粒塵咁,唔合適嘅就優雅咁轉身,日後,你會感謝呢個驕傲嘅身影。

(12)一切隨緣,緣深嘅就聚多啲,緣淺嘅就由得佢走。

(13)好好咁賺錢先至係最重要,因為呢個好似比愛情靠得住。

(14)一個人,要抵過千軍萬馬,亦都要活得有聲有色。

(15)做人唔好做得太,因為人生無完美嘅,你永遠做唔到個個人都鍾意你。

(16)一個總係喜歡回頭看嘅人,一定走唔到遠嘅路。

(17)無人能夠定義你應該點生活,你想點生活係你自己話事。

(18)一直喺度慢慢變好、堅持搵心目中最舒適嘅一種生活方法,就係俾自己最好嘅禮物。

(19)無論係朋友、生意夥伴、愛人,唔好耽誤彼此,注定路唔同嘅人,係唔會有結果嘅,拖住只會係煎熬,不如趁早了斷。

(20)無論係男人或女人(尤其係女人),都唔應該困咗喺對方許下嘅未來之中,未來係由自己創造,唔係由人哋俾嘅。

新嘅一年,大家對自己好啲,唔好重複犯錯,迎接更好的未來,加油!