為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 01 月 30 日

周柏豪名車載老婆o氹阿媽

今年三十四歲嘅周柏豪,同拍拖十年、職業做時裝買手嘅Stephanie Chu結婚兩年。早前,佢仲一擲三千萬,買咗西貢新樓盤一個單位送畀太太,名副其實「愛妻號」。

而除咗錫老婆送豪宅之外,柏豪亦換埋新車獎勵自己。日前下午大約三點幾,東姑就喺太子花園街,見佢揸住新車落地唔夠三個月嘅平治四驅座駕,做老婆同埋媽咪嘅「柴可夫」。東姑所知,呢架新車價成二百五十幾萬,認真乸脷,睇落仲同柏豪之前揸開嗰架同系兼外型差唔多。睇嚟,佢對呢款平治G Class嘅jeep真係情有獨鍾,而且「揀車如揀人」,仲睇得出佢份人堅係專一長情添!

柏豪揸住佢架掛上英文名縮寫「PH」(Pak Ho)車牌嘅四驅座駕,載老婆同埋媽咪去花園街買嘢,佢自己就喺車上等,冇落車。

 

 

 

呢架平治G63四驅新車落地大概三個月,車價二百五十幾萬,喺香港差唔多可以買到半層樓。

當日,佢泊埋架車喺路邊,可能為免惹來不便,所以自己冇落車,只由老婆陪住媽咪,四圍去啲花店選購年花。睇得出Stephanie都算係廿四孝新抱,好有耐性陪奶奶行咗好多間花店,而婆媳間感情仲似乎好好,邊行邊有傾有講、有商有量,最後雖然都係睇唔啱心水,但Stephanie善解人意,一直保持住蓮子蓉咁好笑容,難怪佢咁抵錫,o氹得奶奶歡心,同埋老公嘅寵愛喇!

柏豪老婆Stephanie陪住奶奶去行花園街選購年花,呢個新抱似乎幾識做,抵老公錫晒佢。

 

陪奶奶逐間鋪頭行嘅Stephanie,一直笑容滿面,對老人家好殷勤兼有耐性。