為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 01 月 25 日

僭建案提堂被放箭 水務風波似玩針對

近日水務署被揭未經招標批出合約畀律政司司長鄭若驊丈夫潘樂陶嘅工程公司,署方連日來拆彈解畫。有人本周日見到潘樂陶出席跑步籌款活動,見佢表現淡定,似乎未受風波影響。

呢單水務署風波揀喺潘樂陶獨立屋僭建案提堂當日曝光,似乎有心玩針對。潘樂陶當日被問時答:「問一百次都不會回應。」有熟知政府招標程序嘅人解釋,潘樂陶只係供應商、做生意咋,唔負責招標程序,無權亦無義務為政府解釋,再者風頭火勢下,沉着應對先係上策。

水務署被爆喺二○一六年將多項合約批畀潘樂陶等外判公司,被指不合程序。署方其實已經解釋做法符合程序。據熟悉情況人士話,水務署向來有使用樽裝氯氣消毒,後來出現事故,署方改用晶體氯氣產品。由於濾水廠要如期投入運作,改變生產氯氣嘅要求係臨時出現,時間太趕,於是由供應商安排考察,再購入合適設備訂購,同時以多張訂單買貨。由於定單金額未超上限,就無招標。

至於潘樂陶僭建案涉及嘅水池,佢庭上承認水池由佢買,但無影響結構,「無石基、無打螺絲」,唔屬於建築物,批評屋宇署嘅指控不正確,案件下月開審。據悉,佢已經收起水池。

潘樂陶被指喺間屋前僭建水池,但佢反指水池「無石基、無打螺絲」唔係建築物。

 

潘樂陶名下獨立屋被指僭建,提堂當日又爆捲入水務署招標風波中,時間上嘅巧合使人質疑係咪有人玩針對。