為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 鋈意麟情 2019 年 01 月 24 日

李鋈麟

李鋈麟博士,太平紳士,銅紫荊星章(東華三院顧問2018-2019、北京市政協委員、全港各區工商聯永遠榮譽會長、鳳凰慈善基金會主席、比富達資產管理有限公司主席)

金句encore(一)

老友讀罷上期的「強哥金句」,即致電小弟問「仲有無貨?」

當然有!有些是自己「領嘢」後悟出的真理,有些是高人的提點,我通通存了檔,一得閒就看看,警惕自己不要重複犯錯!

(1)睇清一個人無必要去揭穿,討厭一個人亦無必要去反面。

(2)唔好賭天意,唔好猜人心,因為,天意你賭唔起,人心,你猜唔透。

(3)呢個世界上最唔缺嘅係玻璃心,所以,做人太敏感反而會傷到自己。

(4)所有嘅嘢都係會喺你放棄之後變好!

(5)追唔上嘅唔好追,拎唔起嘅放低,睇唔慣嘅刪除。

(6)生活,就係一邊擁有、一邊失去;一邊選擇、一邊放棄。

(7)幸福,往往係要由痛苦嚟彰顯嘅。

(8)高度唔夠,睇到嘅都係問題;格局太小,糾結嘅永遠都係雞毛蒜皮。

(9)逆境時切記忍耐,順境時切記收斂,得意時切記看淡,失意時切記隨緣。

(10)人生就係經歷︱經歷過痛苦先知道幸福,經歷過失去先識得珍惜,經歷過嚴寒先知道春暖。

(11)過來人經常話經驗係好重要,但更重要係,要識得自己郁手去收集經驗。

(12)學會放過別人,但千祈唔好輕易放過自己,呢一點,我哋總係相反咁做。

(13)當你好嬲嘅時候,千祈唔好同親人、愛人講啲惡毒嘅說話,因為,講過嘅嘢係收唔番嘅。

(14)成功同幸福嘅定義,唔係由人哋把口講你知,而係要去自己感受,因為,人哋唔係你。

(15)人,要有遙不可及嘅夢想,但亦要有腳踏實地嘅本事。

(16)父母,係世界上最愛錫你嘅人,唔可以傷害佢哋。

(17)遠離身邊嘅負能量怪獸,因為,佢哋遲早一日會拖冧埋你。

(18)多啲睇吓生活條件唔及你但又比你堅強嘅人,你就會識得咩叫做知足。

(19)唔係所有人都可以掏心掏肺講心底話嘅,包括朋友同愛人。

(20)唔好成日抱怨,因為生活係唔會因為抱怨而變得更好。

(21)千祈唔好貪便宜買假嘢,因為假嘢永遠解決唔到你嘅最終需求。