為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 01 月 21 日

張文采辛苦送外賣

無綫新聞部嘅「主播之花」張文采,坐主播台報新聞時端莊大方,加上公司守則,佢哋唔能夠太過高調,怕影響報道新聞嘅公信力,所以好難見到佢哋私生活嘅另一面。

不過,東姑早前好幸運,喺將軍澳坑口港鐵站外遇到佢,親眼見到呢位「主播之花」。當時下午五點幾,佢同另一位女主播李文欣,咁啱喺度等車,而佢哋左右手都拎滿嘢。東姑所見,全部都係K字頭嘅炸雞外賣,睇咁多人嘅份量,估計佢哋係買返電視城同新聞部嘅同事分享做晚餐。不過,要兩個靚女做粗重工夫送外賣,東姑都戥佢哋辛苦,啲男同事唔多識憐香惜玉囉!

兩手拎滿K記炸雞外賣等車嘅張文采,剛喺月前出嫁消防員做咗人妻,外表睇嚟幾賢淑。

 

同佢一齊做外賣妹嘅,仲有另一「主播之花」李文欣,兩人好傾到雞啄唔斷,同事關係唔錯。

 

東姑真係戥兩個靚女辛苦,竟被差遣出嚟買炸雞,而男同事居然忍心唔幫手。