為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 01 月 17 日

安志杰陪老婆瘦身

名模Jessica C.(JC)同老公安志杰(Andy),三年前誕下大女Tessa之後,去年六月再生細仔Elvis。作為一對寶貝仔女嘅媽咪,JC產後大量減少工作,專心湊仔女;不過,佢都好注重身材,特別係生完BB,更加要努力收肚。

早前,東姑就喺西環巧遇佢哋兩公婆,兩個都着晒全套運動衫褲,一身汗加埋塊面紅卜卜,相信佢哋係啱啱拍拖跑完步。東姑所見,Jessica C.腰肢仲有啲豐滿,而操到爆晒肌嘅Andy,就時不時拖住老婆手,對佢呵護備至。Andy更邊行邊手指指個肚腩,似係同愛妻大談瘦身收腰嘅心得,難得夫妻啱傾啱講,仲咁夾一齊咁鍾意做運動,難怪佢哋感情都特別恩愛。

之後,「愛妻號」嘅Andy仲陪老婆四圍買嘢,兩公婆買完狗糧,再去便利店買咗成大袋健康飲品;跟住,再到藥房shopping大掃貨,買咗啲沖涼、洗頭等等嘅日用品。全程Andy都做「跟得人夫」,聽從老婆嘅吩咐買嘢、拎嘢,同埋負責畀錢找數,呢個廿四孝老公真係難得喇!

名副其實「愛妻號」嘅Andy,陪老婆跑完步之後,再手拖住JC隻手指公行去買嘢,認真甜蜜恩愛。

 

生完第二胎半年嘅JC,腰圓圓似乎未完全收晒肚。

 

途經街上出租出售嘅吉鋪時,兩公婆眼望望,似係有啲投資嘅興趣。

 

Andy做「跟得老公」,陪JC去寵物店、藥房大掃貨,買咗唔少狗糧同日用品。

 

之後,佢哋又喺便利店買咗好多健康飲料,畀錢呢樣工作梗係老公做啦!