為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 01 月 19 日

湯洛雯晒腿吸睛

三十一歲嘅湯洛雯(靚湯),自從同羅天宇分手之後,聲稱感情真空。雖然,之前同姚子羚舊愛鄭子邦(的士邦)傳出緋聞,但佢否認撻着,仲話feel唔到大家過電。

不過,靚湯嘅吸引力唔覺唔覺,好易電死人。早前嘅夜晚,東姑就喺旺角巧遇佢,即便已經入冬,但佢當晚只係着條超短嘅波褲,露出一雙又白又滑嘅靚腿。喺旺角人頭湧湧嘅地方,難免引來唔少人(目及)到眼金金;之但係,靚湯呢個出晒名嘅「傻大姐」,完全唔為意自己原來咁觸目,直至去到停車場攞車,佢仲同車場職員搞咗一輪先搞掂啲手續。

睇嚟,做嘢有啲論盡嘅佢,隨時粗心大意到,錯過唔少追求者都未定噃。

腳穿一條超短波褲嘅靚湯,露出一雙白滑美腿,喺旺角街頭吸睛搶晒fo。

 

出名傻大姐嘅靚湯,去到停車場交費時,唔知點解個樣仲係迷迷懵懵咁。

 

佢同車場職員搞咗一大輪,先搞掂晒泊車手續,相信又係因為論盡所以有甩漏喇!