為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 01 月 20 日

何傲兒父偷嗒過氣脫星

早前,《東周刊》影到何傲兒嘅爸爸何世根,喺深水埗街頭,同一名長髮中女蹺手行街,背住妻女涉嫌偷食。報道出街之後,東姑馬上就收到報料,指出呢名長髮中女叫鄭婉雯(Camy),曾經都係圈中人。喺八六年,佢參加過港姐,雖然未有入圍決賽,但自此入行。先後拍超過廿部電影,當中大部分係閒角,而最出位應該算係佢全裸三點盡露演出嘅三級片《浮世風情繪》(後易名:《足本玉蒲團》)喇!

而鄭婉雯退出咗影圈後,o依家就仲巴閉,佢對外宣稱,自己係何東家族後人何鴻發所成立嘅「何鴻發文化藝術基金」董事,以及「寶晉達國際拍賣行」嘅顧問,名銜多多好似成為女強人咁,唔知何父係咪畀佢做事能幹所吸引呢?

何傲兒嘅爸爸何世根,當日蹺住鄭婉雯風騷行街,而女方竟然係曾拍三級片嘅艷星。

 

去年,喺一個慈善拍賣會裏面,由鄭婉雯(左)擔任司儀,而性感女星陳昭昭(右)則是嘉賓之一。

 

拍過多部電影嘅鄭婉雯,大部份演「二打六」角色,戲份最多同最爆就係八七年呢部三級片《浮世風情繪》。

 

貪靚嘅鄭婉雯,喺社交網上載佢做封面女郎嘅電腦合成相,佢似乎仲好戀棧娛樂圈。