為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 01 月 18 日

黃浩然多得潮漲提早返歸

無綫經典劇集《法證先鋒》上年底宣布開拍第四輯,更加換上全新班底,連八十二歲嘅謝賢也加盟其中。近排《法IV》劇正拍得如火如荼,而日前一眾主要演員︰黃浩然、陳煒、譚俊彥等,就齊集泥涌嘅石灘拍攝外景,當日劇情係講述喺石灘發現屍體,故重案組聯同法證部到場搜證。

雖然天氣嚴寒,但佢哋工作態度都好專業,跟足劇組指令準時到達。不過,喺娛樂圈工作嘅人都知,藝人無論拍劇定拍戲,慣性都要等埋位,皆因工作人員要set燈光、搞器材等,往往花費唔少時間。

不過,今次佢哋就要等潮退先至可以埋位。東姑見黃浩然、陳煒、譚俊彥喺等候期間,各自跟同事吹水打發時間,可惜等完一個鐘又一個鐘,啲潮水唔退之餘,仲愈嚟愈漲添。可鄰佢哋等足半日都冇工開,最終劇組宣布提早收工。黃浩然之前透露聖誕都要趕戲,搞到兩個仔投訴,難怪佢嗰日第一時間上車走人,爭取時間回家陪仔。

穿上厚羽絨嘅黃浩然,跟其他男演員圍埋一堆傾偈,笑聲不絕。

 

黃浩然一度走到圍欄,幫忙睇下潮汐嘅水位有冇下降,點知愈升愈高。

 

時至下午二時,劇組宣布收工,黃浩然便火速駕車走人。

 

黃浩然係模範住家男,每逢節日都跟老婆及兩個仔Kayden同Ransley度過,仲經常喺社交網大晒幸福添。