為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 01 月 18 日

煲呔曾刑滿 出獄後可享前特首福利

上周五身體不適送入瑪麗醫院羈留病房留醫嘅前特首曾蔭權,本周二刑滿釋放。據悉,佢出獄後可享用前特首嘅待遇和福利,包括「G4」要員保護組護駕,故「G4」成員會到醫院接佢。

雖然曾成為階下囚,曾蔭權重獲自由後,仍享有每月約八萬元嘅公務員退休金,以及多項禮遇,出入有政府車輛接載;佢同太太可繼續使用香港國際機場嘅貴賓室;亦可於政府物業內設辦公室,至於醫療同牙科福利,則可終身享用。

據悉,現年七十四歲嘅曾蔭權清減十多磅,但早前探過佢病嘅人透露,佢精神唔錯。曾蔭權喺獄中經常感慨萬千,掛念家人,不時以筆寫下內心感受,有指佢出獄後有意將文章集結成書。

曾蔭權上周五身體不適入院,本周二或直接由醫院「放監」。