為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 遂心如爾 2019 年 01 月 17 日

梁爾紋

我是我!我是梁爾紋!入行二十四年,由傳媒變成現任寰亞傳媒集團媒體總監。負責寰亞電影、唱片、演唱會及藝人的宣傳工作。有幸跟不少圈中紅人名導,成為好友,於人生路上,互相扶持。

伊健呢一面

宣傳Along With Ekin Live Concert2019正式啟動,演唱會以一直伴隨鄭伊健為主題,我就把伴隨鄭伊麵的一天記錄下來。

這天,我們進行媒體訪問。

上午十一時正,守時的鄭伊麵現身,頭髮蓬鬆的跟同事說早晨:「我係咪可以食咗早餐先化妝o架?嘻嘻!今朝瞓醒呆呆哋,噚晚瞓得唔係咁好。陣間訪問要做啲咩o架?(傾吓玩吓笑吓好簡單。)哦!好啦!(開始排舞未?)開始咗啦!就係呢排日日去操身再排舞,今日突然要做訪問,我先呆呆哋,哈哈!」

我經常說,不化妝的鄭伊麵是最帥的,有次工作前到髮廊找他,造型師剛剛放下風筒,我就問準備出發嗎?他瞪大眼睛說:「都未化妝!」我說不化妝像化了妝般,不用化妝了,他笑說不想化妝師因而失業。

化妝的時候,他總愛說說笑笑,他興奮地說:「前幾日返屋企食飯,阿媽開住個電視睇緊韓劇,套劇好得意o架,唐三藏係個女人,做孫悟空嗰個同牛魔王都做得好好,唐三藏俾隻妖怪上咗身,由正派變咗反派,但仍然會去shopping買衫,仲有一個角色叫次凍將軍⋯⋯個樓底幾十尺高,點拍都好靚,啲情節都好創新,呢啲大膽創作值得我哋學習,阿媽仲將啲前文講咗俾我知,搞到我老竇喺度笑阿媽好認真⋯⋯」

男人孝順真帥。

記者到場後訪問一個接一個,期間遇到一位相識多年的記者,知道他堅持每天接囡囡放學,鄭伊麵非常佩服,二人更說起湊女經。

決定不生兒育女的他,跟太太有了共識,在家養貓為樂,他說貓貓其實很有靈性,完全懂得跟人類溝通:「我有時喺屋企吹口哨,練吓歌仔,佢都走埋嚟用隻手拍吓我,我停一陣再吹,佢又再拍我,哈哈!有次我攞咗個電話,放埋一邊想偷拍,佢即刻唔做,我攞走個電話佢又繼續,佢真係知道o架!好得意o架!」

鄭伊麵就是如此的一個正常人,不要被他演的古惑仔或英雄角色矇騙。

攝影師在拍訪問照時,叫他扮酷,完成後我跑過去叫他不要動,讓我拍張專欄照⋯⋯看着照片,他哈哈大笑說:「我咁似紙版人嘅!」

我相信,笑就是最好的防腐劑。

外間看慣扮酷的鄭伊健,但私下的他,幽默簡單,笑就是他最好的防腐劑。