為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2019 年 01 月 09 日

捐出百萬手袋鑽飾 蔡一鳳為龍鳳胎種福田

前亞視高層盛品儒的太太蔡一鳳(Michelle),一向是Hermès的狂熱擁躉,高峰時期家中收藏過百Hermès手袋,自她一四年創立「同芯慈善會」後,開始學習遠離物質。本月二十日,她將於灣仔會展為一對龍鳳胎搞百日宴,並舉行「同芯慈善晚宴」,將捐出價值合共數百萬元的鑽飾及十個Hermès手袋供慈善拍賣。

「以前我買Hermès買到上晒癮,會以兩、三倍價錢不停追款、追顏色,但買咗返嚟又唔用,真係好誇張。o依家人成熟咗,開始學習斷捨離,索性捐咗啲手袋,做到慈善之餘,又可以將收藏公諸同好,一舉兩得!」

為了這次慈善晚會,她花了五百萬設立公司網站及手機應用程式,任何人都可透過網上出價拍賣:「第一年唔想俾壓力自己同大家,籌得幾多得幾多。」

 

約八十八萬的櫻花色鱷魚皮手袋,是她唯一購入的鱷魚皮款式,「我想保護野生生物,一般嚟講唔會買鱷魚皮手袋,但我真係好鍾意粉紅色,而且佢全世界得番幾個,所以我就破咗戒。」左邊的桃花色手袋則是朋友送給她,價值約五十八萬。

 

她鍾意Birkin大袋,方便返工用:「我成日返office,一日仲要走幾場,大袋先可以擺到我部電腦同文件。」

 

買袋上癮

澳門銳思集團老闆蔡一鳳,少女時代已愛買名牌手袋,自擁有第一個Hermès手袋後,更買上癮。「最初我係鍾意Chanel先,一年會買幾個,但出嚟做嘢無幾耐後,見到有同事用Hermès,心諗不如都買返個。當時儲咗兩年錢先買到第一個Hermès手袋,發覺既易襯又實用,從此之後就着咗魔咁,幾乎所有人工都貢獻晒俾啲袋,唔同顏色都訂製一個,買到連身邊嘅人都話我太誇張!」

Hermès出名一袋難求,當年蔡一鳳為成為VIP,不惜飛往巴黎,重金買下Hermès周邊產品。「我知就算係VIP,一年都只限買兩個袋,以前試過專登買埋啲絲巾、鏈同鞋,張單差唔多到三十幾萬嗰陣,店員就會攞埋啲銀包俾我睇,買埋之後,下次就會俾啲Birkin或者Kelly bag我揀。」

一向是Ball場常客的蔡一鳳,最愛帶Hermès手袋出席活動,盡顯闊太貴氣。

 

蔡一鳳另捐出兩個Hermès手袋,於晚宴上作為抽獎之用。「我好鍾意螢光色,平時我着衫都比較沉,所以買手袋會揀sharp色啲。」