為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 01 月 10 日

口疏爆女友送上門 袁偉豪下廚冧番張寶兒

今年三十七歲的袁偉豪(Ben),一七年中於非洲拍攝《打工捱世界II》,與年輕自己十年的張寶兒(Bowie),朝夕相對擦出愛火花後,年多以來,二人不時在社交網放閃,甜蜜恩愛。早前,他在接受電台訪問時,忽然口疏透露當初撻着,原來是由女方先作出主動。

據悉,阿Ben自爆「女追男」後,因令人誤會女友好似「送上門」有失矜持,難怪搞到Bowie有啲嬲嬲豬。阿Ben為免激走未來老婆,即迅速補鑊,以美食重奪芳心。日前,本刊就發現,他收工後,便踩行油趕到超級市場選購食材,準備為女友親自下廚冧番。

雖然阿Ben與Bowie拍拖只有一年多,但他就表示早已視對方為結婚對象兼人生伴侶,更坦言學會珍惜對方。

 

頻撲買食材

早前,袁偉豪接受電台訪問時,談及與張寶兒的戀情,竟自爆二人是由「女追男」開始。「係佢先講咗『你嘅生活方式,都幾似外國人喎』,咁我就估佢係咪有興趣了解我更多呢?嗰段時間我哋喺非洲,經常坐吉普車時傾偈,互相了解對方,然後返到香港,就一步一步發展到今日嘅關係。」據悉,Bowie因為此話而有啲嬲嬲豬,難怪阿Ben惟有諗計o氹番。密友透露:「佢哋上年過第一個情人節,係阿Ben親自下廚燭光晚餐,Bowie勁冧,所以佢今次都係用呢招嚟o氹得番女友。」

日前傍晚,本刊發現阿Ben於尖沙咀收工後,即駕車先往紅磡買了兩盒手工餃子,再直往將軍澳,泊好車後,便急急腳走進超市買餸。期間,只見他推着購物車留連蔬菜架前,精挑細選有機菜,跟着又走到凍肉櫃前揀選靚肉扒。看來,他應該是炮製一道心形牛扒冧女大餐。在超市逗留廿分鐘後,他便取車離開,匆匆返回清水灣半島的寓所,烹調其愛心餐。

阿Ben之所以如此緊張Bowie,只因他早已視女方為結婚對象。早前,他於活動中,被問到想不想跟女友一起拍廣告時,他竟主動提及婚事:「等結婚先啦,要係夫婦檔先有意思啲!」追問他的婚期,他又冧笑地說:「順其自然啦!二〇一九年其實未係時候,要計劃吓嘅!」另外,他在電台訪問時,亦坦言要珍惜Bowie:「以前(拍拖),我唔識珍惜,亦唔鍾意被管束。我覺得o依家呢個女仔好遷就我,所以要對佢更好,慢慢咁大家都會去珍惜對方。我相信我搵到人生伴侶。我唔想再經歷以前經歷過嘅錯失,或者係一啲唔珍惜嘅時刻。」

早前,袁偉豪接受電台訪問時,自爆「女追男」後,據悉因此激嬲女友張寶兒。日前,本刊便發現他到超市買餸,準備下廚冧番女友。

 

付款時,自備環保袋的阿Ben,跟收銀員有說有笑,最後以信用卡埋單。買餸都識得儲積分,果然是精明消費者!