為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 01 月 16 日

周潤發 方中信識食住家男

九龍城有唔少好嘢食,仲有唔少老字號,所以東姑成日喺度撞到唔少明星、名人,落到呢區搵食。好似發哥周潤發,就係呢區出晒名嘅老街坊熟客仔;另外,家住西貢嘅型男方中信,亦都經常喺呢區出沒。

早前,東姑好好彩分別巧遇佢兩位,發哥去幫襯開咗幾十年嘅老字號麵包舖買嘢,見佢同老闆娘仲閒話家常,好傾到雞啄唔斷,直情傾到唔捨得走。至於方中信,佢同發哥都一樣咁識食,幫襯嗰間潮州食品老店都相當有名,最靚係魚蛋、肉丸,買嚟做餸、打邊爐都一流。方中信同發哥都一樣,大明星得嚟夠晒親民之餘,仲係會親自買餸嘅住家好男人添。

鍾意幫襯呢間老字號麵包店嘅發哥,買完麵包又畀街坊「捕獲」,被要求「集郵」喇!

 

型佬方中信親自去九龍城一間潮州食品店,買魚蛋同肉丸加餸,真係住家好男人。