為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2019 年 01 月 11 日

任達華o氹細路有一手

近年星二代輩出,任達華(華哥)同老婆琦琦嘅寶貝女任晴佳(Ella),轉眼間都已十三歲,亭亭玉立,仲遺傳咗父母嘅優良基因,生得標致可人,更有成五呎七吋高。而華哥每次講起愛女,都一副慈父樣;其實唔止對住Ella,佢就算係對住其他小朋友,都一樣冧晒!

日前,東姑喺尖沙咀嘅酒店歎茶,咁啱喺大堂巧遇華哥。雖然貴為影帝,但佢向來親民,當日見到朋友個囡囡,怕怕醜醜咁叫佢一聲「華哥」。佢即刻笑顏大開,仲踎低身同佢傾偈,繼而又大玩give me five,短短一分鐘已經打破隔膜,大家毫無代溝,玩得好開心。縱橫娛圈多年嘅華哥,真係由三歲到八十歲都搞得掂!

東姑聽見小妹妹叫咗聲「華哥」,華哥即刻笑到見牙唔見眼。

 

華哥又同小妹妹玩give me five,佢哋好快好啱key。

 

友人抱住小朋友跟華哥見面,而華哥為咗配合小妹妹嘅身高,不惜踎低同佢打招呼。