為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2019 年 01 月 11 日

正副主席「罰企」  惹輕視土組報告疑雲

搞咗足足大半年嘅土地諮詢大龍鳳喺一八年除夕,終於有報告出爐。當日晨咁早,土地小組正、副主席黃遠輝及黃澤恩獲特首林鄭月娥接見,親手「交功課」。佢哋同日下午喺政總地下見記者,但當局竟然無安排會議室開記者會,由於記者們需要時間睇報告,搞到呢兩位年過六十嘅正副主席企足八十分鐘,先進入提問時間。

唔少政界人士留意到,當日記者會無官員及其他小組成員撐場,場面冷清,仲要正、副主席「罰企」,有怠慢之嫌,當局唔重視報告之說甚囂塵上。

當日,有記者問黃遠輝點解無成員撐場,場地又咁兒戲?黃遠輝解釋政總會議室裝修緊,安排唔到房容納咁多人咁話。之不過本刊事前問過部分小組成員會唔會出席,「有傾過呢個問題,但覺得無需要出席做佈景板,反正啲人要攻擊都只會針對主席,無謂去喇!」咁講法,似乎唔止政府唔重視土地小組,就連小組成員都唔太睇呢台戲。

在數萬份公眾意見書之中,都有唔少誠意之作,當中不得不提合和主席胡應湘長達三十一頁嘅意見書,佢除咗羅列海量數據,仲詳列香港土地發展史,胡博士不忘加幾句古文贈興,相當好文采。例如引述《孟子.梁惠王》的一句:「今恩足以及禽獸,而功不至於百姓者,獨何與?」似有弦外之音。

土地小組正副主席黃遠輝(左)及黃澤恩(右)公布報告時,被「罰企」八十分鐘,有被怠慢之嫌。

 

胡應湘提交嘅意見書,資料詳盡之餘,仲詩興大發表達對香港土地問題嘅憂慮。