為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 12 月 28 日

鄭俊弘、何雁詩拍住拖美國登台搵真銀

鄭俊弘 Fred 與何雁詩 Stephanie 日前首次一起到美國洛杉磯登台開演唱會,Stephanie:「我哋之前分別都去過美國唔同嘅地方登台,好開心今次嘅主辦商邀請我地兩個一齊開 show,洛杉磯係一個好靚嘅地方天氣好好,加上臨近聖誕節,當地氣氛好熱鬧,不過因為 Fred 在拍攝劇集中未能逗留,希望下次有機會再去。」

Fred:「好感謝劇組度到三日期出嚟畀我飛去外地開 show 賺錢,除咗度期問題之外,今次開騷過程又遇上好多波折,如音響、機件問題,不過都順利完成,一直都忙着拍劇未有時間出席其他歌唱活動,今次歌迷會有好多成員飛去支持我哋,大家反應好好,好感動。」

Stephanie:「今次係一個好好嘅經驗,經過今次大家嘅感情增進咗,見到現場反應比自己預期嘅好,又搞到自己都忍唔住感動落淚。」

Fred 預告今年除夕會同 Stephanie 一齊出席商場倒數活動,「其實自己唔係抗拒情侶檔,不過始終希望大家專注響我哋嘅工作表現,而唔係啲八卦新聞上,但可以一齊倒數係開心嘅。」