吳業坤神秘入酒店
被封為「偽毒坤」嘅吳業坤，被爆經常口花花撩女仔，唔只家燕姐（薛家燕）唔放過，照樣傳得出緋聞，就連家燕姐早前喺網上幫囡囡石祐珊公開招婿，佢都表示有興趣，口舌上攞晒便宜。
早前，東姑就喺旺角發現坤哥嘅蹤迹，佢夜媽媽揸車落到砵蘭街，同行仲有一名男助手。見佢慳埋啲泊車錢，將架車隨便泊喺馬路邊，然後兩人就一齊行咗入附近一間酒店。
奇就奇在坤哥當日啲舉止，鬼鬼祟祟神秘過人。現場所見，佢已經着晒成身黑衫、黑褲、黑鞋，孭住個黑色背囊；落車時，佢更加刻意戴番頂黑色cap帽，全身夜行裝似係有心掩人耳目，真係唔知坤哥搞邊科喇！
親自揸車落旺角砵蘭街嘅坤哥，落車時似煞有介事，笠番頂cap帽。
黑衫、黑褲、黑鞋、黑cap帽，再孭個黑色背囊嘅坤哥，成身黑衣人嘅裝束。
表現神秘鬼祟嘅坤哥，同助手一齊行咗去附近一間酒店。
