為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2010 年 09 月 14 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

熱辣辣

踏入9月,天氣仍然悶熱,但係咁都唔會影響我同酒腳,仲有你哋分享美食嘅心情。要知道「金牌飯局」年中無休,每次都同你分享我歎盡世界佳餚嘅感受,今次我細意挑選咗以頂級鐵板燒而著名嘅「八重菊日本料理」,真正係「火上加油」,熱辣辣呀!

會唔會熱氣?唔會!今次我邀請咗威士忌飲家Jacky(林志驥),連同model Kelly Fu,仲有最近成為葛民輝Canon廣告「葛女郎」嘅Melanie,歎住美酒「馬諦氏」Matisse,熱氣盡消!

要試價值$240一隻嘅活車海老,我除咗親自落場外,一於ladies first,先畀Kelly(左)同Melanie(右)品嘗。

自在食

今晚嚟到「八重菊」,先發現Jacky同我一樣咁欣賞呢間餐廳,「呢度嘅菜式夠新鮮,配合好酒好朋友,係人生一大享受。」

哈哈哈!講得好!我一向同大家講,不論歎咩美酒佳餚,最重要都係有好嘅酒腳相伴,要一齊摸住酒杯底邊食邊傾,今晚有Kelly、Melanie同Jacky咁好嘅酒腳,又有Jacky大力推崇嘅好酒「馬諦氏蘇格蘭威士忌」,咁就係最好嘅享受啦!乾!

當然,「金牌飯局」以食以酒會友,今次又點會例外?我哋一行4人先品嘗前菜白飯魚乾配魚籽醬,作為今晚鐵板燒嘅序幕,要佐酒嘅話,仲有鐵腳北海道生枝豆同巨粟米,難得同3位嘉賓分享酒經、食經,點都要乾一杯!乾!

前菜只係序幕,喺主角正式上場之前,侍應再端上比前菜heavy少少嘅特級藍鰭金䱽魚腹,即係toro啦!嘩!呢個我真係要特別推介,出色toro嘅肥美嫩滑,佢有齊晒,入口即溶,我同一眾嘉賓都要encore多一round!

鮮三文魚籽($150/一客)係由原條分配而成,一個字——「鮮」!

我特別推介嘅特級藍鰭toro($700/五塊),新鮮肥美,啱晒我口味!

白飯魚乾配魚籽醬($200/一客),fusion味極濃,配合「馬諦氏」品嘗,fit晒!

澳洲水晶蟹(時價)每日新鮮抵港,燒過之後,海水同鮮味更加突出!

品酒道

一邊歎住肥美toro,一邊欣賞維港夜景,身為威士忌fans嘅我,一定要同Jacky交流吓歎酒心得,「我飲咗威士忌大概十幾年啦,最近先喺香港賣嘅『馬諦氏』,不論係single malt(單一純麥)嘅15年或19年,都係我嘅favourite。

「好似Paco你所講,飲酒最緊要係同咩人飲,不過飲嘅酒亦係相當重要嘅一環。我同朋友摸吓酒杯底傾吓偈,慢慢歎嘅酒就一定要有一個令我回味嘅after-taste,同飲紅酒一樣,after-taste就等同中文嘅『回味』,兩個年份嘅『馬諦氏』都滿足到我喺呢方面嘅要求,咁就自然要推介吓啦!」

哈哈哈!Jacky對威士忌果然係有佢嘅見解,至於兩位model Kelly同Melanie,就異口同聲話:「威士忌對我哋嚟講,一向都係比較strong嘅,所以平時我哋同朋友飲嘢,多數會揀紅酒或者係cocktail㗎。

「不過,『Matisse』15年嘅single malt whisky,係同平時飲嘅whisky有一定嘅差別,我哋加咗啲冰再飲都唔錯喎。」

燒羊扒配多士(時價),預期嘅羶味完全冇,而且香口有餘,值得一試!

岐阜縣產A5飛彈和牛($600/100克),矜貴在於脂肪同肌肉分布均勻,入口感覺豐富。

活車海老($240/一隻)真身,隻隻大過成年人手掌,而且肉質甜而彈口,正!

Kelly(左)同Melanie(右)由「馬諦氏」樽身講起,再大讚15年單一純麥威士忌夠「lady-friendly」,由外而內,有層次!

模煮意

哈哈哈!有飲家推介,兩位靚女嘉賓自然會對威士忌有一番新見解,但係上得嚟「金牌飯局」擔任嘉賓,我點都要兩位model提供一啲食得靚嘅貼士,畀女讀者們參考吓,Kelly先!

「我覺得湯水好緊要,所以好多時我都會煲湯,好似近排天氣乍晴還雨,又熱又焗咁,我就會煲冬瓜薏米湯,加豬肉,清熱又祛濕,美容一流!」

至於素食者Melanie就話:「除咗食沙律,我會爭取足夠時間休息,我聽過人講,話晚上12點至1點前休息,係最有美容功效,因為呢段時間係肝最好嘅休息時間,咁樣就可以令睡眠發揮最大效用。」

靚女嘅心得特別多,我代各位女讀者敬你哋一杯,乾!

兩位model投桃報李,為我炮製鐵板炒飯!

鐵板炒飯($80)以煙肉、蟹籽等材料炮製,為飯局畫上完美句號。

有好酒腳Kelly、Jacky同Melanie(左至右),加上美酒美食,一樂也!

Jacky大力推介「馬諦氏」,佢話19年啱飲家口味。

東方味

一講起威士忌,Melanie一見「馬諦氏」上圓下方嘅樽身,就大讚「好得意呀!同平時見到多數只有方形或圓形嘅威士忌樽好唔同!」

哈哈哈!專家Jacky即時回應話:「因為酒樽嘅設計師特別為東方人而設計,又圓又方係代表咗東方人嘅品味多元化,有深層意思㗎!」

八重菊日本料理
地址:尖沙咀彌敦道63號iSquare 29樓
電話:2328 9123