為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 12 月 26 日

嚴淑明赤腳開餐

回歸香港發展嘅嚴淑明,繼早前投資診所後,日前又喺尖沙咀投資保健中心。當日,身為老闆娘嘅佢,着住紅色套裝,加一對六吋高踭鞋,大方得體。東姑見佢呢頭招呼啲記者,轉頭又要應酬啲賓客,忙到成頭煙。待記者會完結,佢即刻冇晒energy咁,第一時間除咗對高踭鞋,跟住閃電撲埋去啲小食度,狼吞虎嚥,懶理儀態。佢同東姑講︰「我由今朝忙到o依家,全日冇食嘢,好肚餓!至於對腳,着住咁耐高踭鞋,好攰,赤腳唞下先!」

東姑八卦問,向來同佢老友鬼鬼嘅陳敏之,點解冇嚟撐場嘅?佢話因為敏之當日撞咗工作,不過人冇到禮到,除咗送花籃又送咗幾箱曲奇餅嚟,好有心。所以,佢講明一定會贊助敏之做保健,仲有意兩姐妹做生意,「喺生意方面,佢係我軍師,好有生意頭腦、人緣又好。如果我哋一齊做生意,一定會好成功同happy!」

日前,嚴淑明盛裝咁出席自己嘅新店開張。

 

一完活動,好肚餓嘅嚴淑明,即一手食嘢,一手拎住對高踭鞋,做老闆娘其實好唔容易。

 

當日,陳敏之因有工作在身,未能到場,但有送花籃同曲奇餅支持。

 

嚴淑明同陳敏之老友鬼鬼,仲成日行孖咇,大家會一齊慶祝生日同去旅行。