為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 12 月 16 日

陳浩民老婆買餸晒長腿

陳浩民同蔣麗莎(Lisa)結婚五年,不經不覺生咗三女一仔;而作為四個仔女嘅媽媽,Lisa湊仔湊女都有排忙,難得佢仲煮埋飯買埋餸,絕對係個好好嘅賢妻良母。

日前約上晝十點幾,東姑就喺九龍城街市附近菜檔,發現明星阿太Lisa嘅蹤影。當日,佢戴住cap帽、着住條超短牛仔褲、踢住拖鞋,露出一條白滑長腿,同埋啲外傭姐姐喺菜檔度逼買餸。現場見佢踎低又起身,好熟手咁眼明手快就揀咗兩扎芹菜,然後排隊去畀錢,同普通「師奶仔」完全冇分別。

不過,見佢買完餸,就有司機揸架七人車嚟接佢,點都有番少少闊太嘅排場。之但係,東姑一眼(目及)到佢嘅車尾頂,黐咗巴斯光年勇救胡迪嘅兩個公仔做裝飾,似乎就唔多合規格。因為黐喺車外面,萬一行車時吹甩咗,就會影響其他車輛,好易構成危險,所以奉勸佢快啲擺番入車內喇!

陳浩民同內地老婆Lisa結婚五年,育有三女一仔,聽講佢哋仲想繼續追,娛圈「多仔公」當之無愧。

 

當日着住條超短熱褲嘅Lisa,露出一條白滑長腿,都幾吸睛。

 

同普通師奶仔冇乜分別嘅Lisa,一身街坊裝踎喺菜檔度揀芹菜。

 

Lisa同買餸嘅外傭姐姐,一齊好守秩序咁排隊畀錢,大家都唔為意佢呢個明星阿太。

 

接載Lisa嘅七人車,車尾頂貪得意黐咗兩個公仔,其實有機會構成交通危險。