鄧兆尊忘我打機

有「現代韋小寶」之稱嘅鄧兆尊，擁有三位女朋友，包括：Carmen、車厘子同Claire，有好多人都羨慕佢能夠享齊人之福；再加上，兆尊仲咁有錢，佢同家人前排先申請咗將西貢一幅四萬五千多呎嘅地皮，改劃為住宅及綠化地帶，擬興建八幢五層高嘅洋房，以及一幢樓高兩層面積一千八百呎的非住宅物業。呢塊地皮本身值四億幾，起埋樓之後，佢就更加富貴！

唔好以為鄧兆尊要忙着照顧三位女友，就會冇晒自己嘅時間，東姑最近喺銅鑼灣行街，就見到佢孤身隻影喺怡和街出現。當晚好大雨，人人都擔晒遮，但係佢就有遮都唔開，做低頭族玩電話，東姑於是好八卦行埋去睇下佢喺度做啲乜，原來佢因為雙手忙住打機，而冇手開遮。打機絕對係私人時間，但係出面風大雨大，點解佢唔返屋企打呢？唔通三個女朋友都唔畀佢打機，所以佢先要喺條街度流連？

有三位女朋友輪流悉心照顧照料，原本好瘦嘅鄧兆尊，低頭都已經有雙下巴。

冒住風雨都唔開遮，原來佢係沉溺喺打機嘅世界。

落雨人人都擔住把遮，鄧兆尊就偏偏有遮都唔願開，寧願做低頭族玩電話。