為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 12 月 09 日

譚偉權害苦「小Gary」

人稱「Gary哥哥」嘅譚偉權,入行多年,演舞台劇出身、做過兒童節目主持,o依家就主力拍攝無綫嘅劇集。而去年,佢仲喺無綫嘅網上平台,好勤力咁直播超過三百次,成為藝人榜首添,證明佢都有唔少粉絲支持。

早前,東姑喺九龍城一間醫院門外,見到Gary哥哥幫新劇《過街英雄》拍外景。左腳套上假石膏,人就坐喺輪椅上面嘅佢,劇中扮跛畀一班飾演記者嘅臨時演員追訪,於是逼到佢要「擒」欄走人。東姑所見,場戲其實屬於高難度動作,除咗要飛身跨欄、頭下腳上倒頭樁之外,最弊傢伙係欄杆位啱啱壓正Gary哥哥嘅下體,可憐「小Gary」受罪喇!不過,Gary哥哥咁專業,就算唔係動作演員,佢都親身上陣,認真精神可嘉!

喺《過》劇中,Gary有場戲講佢腳傷,打晒石膏兼坐輪椅。

 

Gary為避班記者於是想擒欄走,可憐佢搞到倒豎樁咁危險,兼夾令「小Gary」要受罪添。

 

唔係動作演員出身嘅Gary,一躍就飛身擒過欄,算係身手不凡喇!