為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 12 月 10 日

謝寧老公窩心

今年五十五歲、八五年港姐冠軍的謝寧,同前夫岑建勳離婚之後,自力更生搞生意創辦曲奇餅店。目前,分店已擴充到八間,仲計劃申請上市,簡直堪稱「曲奇皇后」。不過,生意就算再忙,都無阻佢同八年前改嫁嘅攝影師老公王德偉嘅溫馨生活。

早前,東姑就喺中環ifc巧遇佢哋,夫妻拍拖行街。兩公婆向來出名恩愛,當日所見,老公除咗負責拎嘢外;跟住,老婆去如廁,佢都好有耐性企喺門口等;同埋,佢仲自己行去扱免費泊車飛,好讓愛妻慳番啲腳骨力免操勞,份人認真窩心體貼。之後,佢哋再蹺晒手搭lift落停車場,睇嚟夫妻感情真係好到加零一,難怪謝寧都大讚同現任老公好夾,結婚多年仲好似新婚夫妻咁喇!

做曲奇餅生意做得有聲有色嘅謝寧,趁老公行開,佢即刻爭取時間打電話,似係忙緊處理公事。

 

免除老婆謝寧嘥腳骨力,王德偉好體貼咁攞埋張購物單,自己行去扱免費泊車飛。

 

兩公婆恩愛有加,蹺晒手行去搭lift,全程王德偉都對謝寧呵護備至。