為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 12 月 03 日

郭偉亮 葉佩雯扮遊客搵食

郭偉亮(Eric)同老婆葉佩雯(Grace),拍拖加結婚前後十八年,雖然老夫老妻,但久唔久都會畀啲小情趣對方,好似一齊去吓旅行咁,令到夫妻感情保鮮,經常保持甜蜜蜜。

早前,東姑就喺鰂魚涌巧遇佢哋兩公婆,Eric一身紅色cap帽、T恤、加短褲,孭住斜孭袋;而Grace就頭戴大圓邊帽、墨鏡加休閒裝束,睇落佢哋嘅衣着,比遊客更加似遊客,仲一齊去咗一間出名食日本北海道咖哩嘅餐廳歎番餐。唔知佢哋係唔係又為咗製造情趣,冇得外遊都喺香港扮遊客,捐窿捐隙搵美食,以增進夫妻感情呢?而行出餐廳時,東姑仲見佢哋兩公婆,企定定望住廚窗個電視,好留意買日本樓嘅情報,似係直情想喺日本買番間度假屋,畀佢哋夫妻得閒到當地度吓假。

睇佢哋夫妻一身造型,真係好有遊客feel,而Grace心廣體胖,睇落有啲「幸福肥」添!

 

兩公婆喺門口企定定,睇電視入面介紹緊買日本樓嘅資訊。