林德信匿埋做怕醜仔
林子祥（Lam）個仔林德信（Alex）向來鬼仔性格，睇佢嘅社交網出po都相當活躍，好似之前剩係着住條「底底」練瑜伽，中秋節仲露股晒「八月十五」，作風睇落好大膽。不過，佢私下為人比較內斂，唔係好多嘢講，仲成日好似怕怕醜醜咁。
早前，東姑喺中環嘅ifc商場巧遇佢，同埋一個男性朋友等（車立）落樓；期間，佢一時似係刻意匿埋牆邊，一時又面壁對住（車立）門低頭撳電話，好似好唔想人哋見到佢。就算人多多時，有途人認出佢眼望望，佢都表現得尷尷尬尬，真係怕醜得有啲似佢爸爸阿Lam，似乎對陌生人比較慢熱喇！
同朋友等（車立）期間，Alex一味耷低頭玩電話，似乎唔想人見到佢。
商場內人來人往，偶爾畀途人認出嘅Alex，表情尷尷尬尬，唔識畀反應。
早前，Alex仲喺社交網上載佢嘅露股相，睇佢唔出作風咁大膽，但對人就怕怕醜醜。
