為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 12 月 03 日

郭富城懶理座駕被撞凹

上月踏入五十三歲嘅郭富城(城城),之前傳出老婆方媛(Moka)再度有喜;而「第二胎BB」嘅腳頭仲好好噃,由城城同發哥主演嘅電影《無雙》,全球票房大收旺場兼口碑載道。好事接二連三,佢嘅心情自然喜上眉梢。

日前,城城同楊千嬅喺大角咀為新戲《麥路人》開工。拍攝前,佢哋先喺一間髮型屋度整頭化妝,所以城城嘅司機就將部七人車停喺旁邊。咁啱有個速遞員推住一大車嘅貨品前往收集中心時,竟然不慎撞埋去城城架七人車度,幸好只係撞到司機位旁邊嘅倒後鏡凹咗。不過,城城嘅司機已大為緊張,即刻跟速遞員了解,並向主子匯報。

至於呢啲咁嘅小事,又點會影響到郭天王嘅心情呢。因為東姑見到佢由髮型屋出嚟時,從容不迫,隻眼都冇望過部車,就直接行去後巷跟導演研究一陣拍攝嘅詳情,果然係大人做大事。

至於,楊千嬅可能係首日拍攝外景,佢埋位前都做足儀式,誠心咁拎住三枝香拜勻四邊,拜得神多自有神庇佑,娛圈始終多禁忌,禮多人不怪呀!

有速遞員推住一大車嘅貨品前往收集中心,期間竟然不慎撞埋去郭富城架車度。

 

郭富城嘅司機上前為車檢查,幸好只係司機位旁邊嘅倒後鏡凹咗。

 

由髮型屋步出後,郭富城便直接過對面馬路嘅後巷開工,毫不在意座駕嘅倒後鏡被撞凹一事。

 

自誕下女兒Chantelle後,郭富城有女萬事足,一家三口早前仲一齊慶祝生日。

 

郭富城女兒Chantelle深得爸爸真傳,喜歡彈琴玩音樂。