突然㷫起 索女地鐵喪跳鋼管舞
《舞出真我》之所以受觀眾歡迎，全因為電影展現出青少年話做就做、想做就做的個性，只要想跳舞，唔理喺公廁定係天橋，都係佢哋的表演舞台，一個字Cool！
而話跳就跳，亦唔只係發生喺電影裏的男女主角身上，近日於YouTube就有一段兩分半鐘，名為「北京地鐵成北京夜店」的短片廣泛流傳，短片就見有十多個索女，一起坐在地鐵一個車廂內，而她們就突然㷫起，逐個對著鏡頭跳舞大顯舞技，當中表演少女在扶手鐵柱上大跳鋼管舞，舞姿誘人又專業。
短片上載了三日，就已有二萬多人瀏覽，而有不少網友就大讚她們跳得很出色，不過就有網友斥用來拍攝的攝錄機質素太差，搞到佢哋睇得唔過癮喎！
