為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 11 月 29 日

改革四十年表彰傑出人士 五港澳名人上榜

今年係中國改革開放四十周年,中央決定表彰一百名對改革開放有貢獻嘅人士。其中港澳人士有五位,包括已故前全國政協副主席霍英東、馬萬祺、前全國人大常委曾憲梓、王寬誠,以及前世衞總幹事陳馮富珍。港人熟悉嘅三大科網創辦人,阿里巴巴嘅馬雲、騰訊嘅馬化騰、百度嘅李彥宏;前內地草委、法律專家許崇德;首位NBA中國球員姚明、為中國奪得首面奧運金牌嘅許海峰、中國女排精神象徵郎平都榜上有名。

中國改革開放四十周年,中央擬表彰有傑出貢獻人士,五名港澳人士也上榜,包括(右起)馬萬祺、王寬誠、陳馮富珍、霍英東及曾憲梓。

據了解,呢份名單蘊釀一段日子,多名港澳人士曾納入考慮之列,最後千挑萬選揀咗呢五人,消息人士說:「霍老獲表彰係毫無爭議,而王寬誠係霍老之前嘅中總會長,入榜理所當然。曾憲梓八十年代已入內地設廠。至於陳馮富珍,相信係有關方面想突出國際性。」

已故霍英東係最早到內地投資嘅香港企業家之一,早與中方關係深厚。他先後投資一百多億港元,支援內地重大基建、教育及文化發展;係北京主辦亞運會和奧運會嘅功臣,中央對佢嘅評價極高。

而馬萬祺係首批喺內地投資辦實業嘅澳門人,生前係政壇重量級猛人,更曾任澳門基本法起草委員會副主任,為澳門順利回歸作出貢獻。

至於王寬誠,生前係香港中華總商會會長,為香港工商界參與內地改革開放搭建平台,鼎力支持內地改革開放。

仍健在嘅知名愛國商人曾憲梓,八六年開始喺內地設廠投資,並捐助支持內地教育、航太、體育及科技發展,歷年捐款逾十二億港元。

陳馮富珍係唯一上榜嘅香港女性,亦係首位擔任世界衞生組織總幹事嘅中國人,任內推動世衞與中國廣泛合作,內地醫療國際化,佢功不可沒。

(右一、二)霍英東及王寬誠積極參與中國改革開放,早年獲鄧小平(左一)接見。