為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 11 月 27 日

同月同日同磅數 董敏莉38歲生日平安誕B女

董敏莉(Monie)昨日(26日)38歲生日,並於同日榮升媽咪,開刀誕下重7.2磅女兒,她透露老公在產房陪產,一起迎接新生命來臨,「我專登揀同自己生日開刀,以後方便一齊慶祝,點知囡囡同我同月同日同磅數出世,真係緣份!我哋一早已經幫囡囡改好名,中文名叫子子,英文叫Martha。成個過程都好順利,初時都會餵人奶,希望給BB最好營養。」

Monie指生產過程驚險,因肌瘤頗大,增加手術風險,「因為肌瘤阻住產道,所以醫生一早經已話要開刀,無得順產。不過醫生都講明有危險性,驚失血過多,有二千分之一機會要切除子宮,最終醫生盡力幫我止血,大小平安。不過醫生話個肌瘤都幾大,可能半年之後要做手術切除。」

Monie笑言BB未出世已經有吸金能力,好多贊助商送上BB用品,幫她省回不少支出。她表示會停工兩個月,之後再考慮復工,「電台主持嗰度我就請咗兩個月假,都等我身體回復之後就會返去開咪。其實大肚期間都有好多媽咪級嘅廣告搵我,睇來我都已經開拓左一個新市場。(會唔會考慮母女當上陣?)咁長遠梗係未諗啦,如果阿女好似我咁靚,爸爸又準許的話,都唔介意佢入行。」

 

 

董敏莉的囡囡與她同月同日生日。

 

 

 

因為肌瘤阻住產道,所以醫生一早經已話要開刀,董敏莉無得順產。

 

 

 

Monie因生肌瘤,生產過程好驚險,幸最終順利誕下女兒。