為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2018 年 11 月 27 日

關慧玲

《東周刊》社長兼總編輯。

李家超係好爸爸

城大基金會籌款晚宴中見到保安局局長李家超,只見佢認真地為在台上唱歌的太太拍Video,非常愛妻號。城大校長室特別助理及經理Pauline過來同佢相認,揭發一段陳年往事。

話說八十年代尾,Pauline在青少年服務處旗下嘅家庭事務委員會工作,當年搞了一屆也是唯一一屆的「十大好爸爸」選舉,由仔女提名父親參選。李家超兒子當時唸初中,在學校收到提名表格,便提名了李家超,據說都幾多人參加,結果佢順利當選。

當年李家超不像今日般經常在電視上出現係公眾人物,佢亦只以「李先生」名義去參選,對有人記起這件事超級震驚,但難掩笑意,「其實係好小事,個仔話提名我咪畀佢試吓,好似發生喺八九年,獎盃仍然KEEP住。」當年評判有訪問佢哋一家人,個仔話一家人一齊食飯係最好嘅生活情趣,此外爸爸亦好了解兒子唔同需要。

李家超當年仍在警隊,工作十分繁忙,但佢一有時間就回家食飯,原來李家超十分重視家庭生活,透過身教,做兩個兒子人生上嘅盲公竹。「當然,佢哋細個時梗係我主導多些,佢哋成日聽我講做人要有禮貌,人生要有計劃,同埋家人永遠無可取代。」

由於一家人無所不談,仔仔在學校遇到乜事、學業上有何難題,兄弟之間如何相處,以致入大學揀乜嘢科目,李家超都會知道,也能及時畀到意見。

十個得獎爸爸個個背景不同,其中一個爸爸兒子是有弱聽問題的,他的故事當年還被拍成紀錄片。然而不論來自各行各業,都要為家人盡心盡力,像李家超工作咁忙都用好多時間和家人相處,凸顯爸爸在家庭的重要角色。

今日李家超兩個兒子都已經長大成人,在工作了,唔使佢擔心啦?李家超笑不攏嘴,「養兒一百歲,長憂九十九,那時仲講過,希望佢哋將來結婚後,同我哋一齊住,變成一家六口大家庭,不過有排等。」