為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 11 月 28 日

司徒法正撈起開拍電影

東姑就收到風,近年主攻東南亞市場嘅司徒法正師傅靜靜雞搵咗唔少外幣。日前,佢就去到菲律賓幫一間賭場做玄學顧問;而財運十足嘅佢,喺賭場開幕日,竟然贏咗成百萬,聽到呢個消息,東姑都忍唔住即刻打電話畀師傅,恭喜吓佢呀!

司徒師傅就哈咗幾聲話:「係,我係贏咗一百萬,不過唔係港幣,係菲律賓披索,即係十四萬港紙多少少咋! 我見當日自己個氣色幾好,加上近日財運、事業運都唔錯,所以小賭怡情一下,玩咗幾鋪,贏咗少少就走喇!」

贏咗成百萬披索,司徒師傅梗係開心啦!佢除咗賭場得勝之外,近日佢嘅業務都發展得好好,好多不同嘅新嘗試。佢同東姑透露自己攞了七位數字投資咗兩部內地電影,其中一部嘅男主角係陳展鵬,而女主角就係江美儀。東姑問佢會唔會參演,實行自己捧紅自己,佢就笑言:「展鵬嗰部電影,我唔會參與演出,另一部就會飾演番自己,我講明淨係會演自己,我絕對唔會演其他角色喇!」連電影都撈埋,師傅真係百足咁多爪呀!

司徒法正師傅開拍電影《100分女人》,搵嚟將為人父的陳展鵬同江美儀做男女主角。

 

佢強調自己攞咗七位數字出來投資兩部電影,只屬玩票性質;而《100分女人》日前已於惠州進行開鏡儀式。

 

香港拳王葉文龍亦有份參與電影拍攝,喺戲中,佢飾演富家子。

 

司徒師傅到菲律賓幫一間賭場做玄學顧問,開幕日,佢順道玩兩手,輕輕鬆鬆就贏咗一百萬披索。