為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 11 月 25 日

樂基兒犯孕婦禁忌

天王黎明之前同女朋友阿Wing生咗個女,最近佢前妻樂基兒(Gaile)都同新老公lan造人成功喇,Gaile仲打鑼打鼓同大家講第一胎一索得男!聽到佢生仔,大家一定好關心佢以前隆胸又再「拆彈」,會唔會冇奶水呀?連佢自己都話:「都唔知有冇奶o架。」

雖然「基仔」明年四月先出世,但Gaile最近已經好積極蒲頭搵定奶粉錢。日前,佢就為自己主理嘅烹飪書舉行發佈會;而當日着住條白色貼身裙嘅佢,仲肚凸凸行來行去畀人影相,風騷到不得了。

Gaile就表示仲未決定BB喺香港定美國出世;此外,東姑就發現佢好唔小心,唔知孕婦禁忌,竟然成日蹺腳坐。其實,好多生過仔嘅人都知,蹺腳坐會令血液回流到胎盤受阻力,多少會影響胎兒嘅生長,所以東姑見到佢咁牙煙,都希望佢唔好淨係掛住搵錢,有時間就上吓孕婦班啦!

樂基兒同黎明離婚後,轉眼又識到新老公lan,o依家仲有喜,真係恭喜佢!

 

通常醫生都會叫孕婦唔好成日蹺腳坐;不過,懷第一胎嘅樂基兒好似唔知道咁。

 

有咗大約四個月嘅樂基兒,身形真係豐滿咗好多,貼身裙都幾乎逼爆。

 

佢之前隆胸又再「拆彈」,