為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 11 月 24 日

陳家樂懶理被指第三者

拍咗十一年拖嘅洪卓立同湯怡,大家一直都以為佢哋打風都打唔甩,點知日前突然喺社交網宣布分手,震驚一眾粉絲。短短幾日,分手原因眾說紛紜,除一度傳出同門嘅陳家樂撬牆腳之外,又指湯怡搭上王菀之嘅叔仔Gavin So。

話時話,陳家樂剛啱今年六月,先跟拍拖四年嘅余香凝甩拖,可能回復咗單身,加上近月又同湯怡開拍新戲《神探大戰》,二人又有感情線,難免惹來誤會。據東姑所知,陳家樂私下跟湯怡同洪卓立都老友鬼鬼,不時一齊出席活動。而上周五(十六日),洪卓立現身公開活動時亦幫佢澄清,「我私底下都有同陳家樂講唔好意思,拉埋佢落水。」

嫌疑獲得洗脫,陳家樂嘅心情,當然回復靚靚。日前,佢喺銅鑼灣街頭快閃拍攝品牌宣傳片,呢頭拎住啲禮物送畀市民,轉頭又要踎低o氹細路,都冇話唔頻撲。由於喺鬧市拍攝,惹來唔少途人圍觀,難免帶來少許混亂,搞到陳家樂要拍多幾個take,但係佢依舊笑容滿臉,十分親民。

上周二晚(十三日),洪卓立同湯怡同步喺社交網宣布分手,結束十一年情,但並冇透露分手理由。

 

其後,陳家樂突然被爆係洪卓立同湯怡嘅第三者,幸好洪卓立為佢澄清解圍。

 

湯怡又被指跟王菀之嘅叔仔Gavin So有私情,皆因兩人一同着上情侶波鞋跑步。不過,湯怡嘅經理人霍汶希強調佢哋只係行山友,同波鞋只因係運動品牌贊助。

 

陳家樂同湯怡合作拍新戲《神探大戰》,早前喺旺角拍攝一場外景。未埋位前,陳家樂就拎住支搶指住湯怡個額頭,玩到不亦樂乎。

 

日前,陳家樂喺銅鑼灣街頭拍攝宣傳片;一埋位,佢即一臉認真咁工作。

 

另一個shot,佢拎出一份大禮物送畀一個女途人,