曾想短期出家 張智霖爆囝囝遺傳牙尖嘴利

張智霖（Chilam）出席佛教活動，身為佛教徒的他，坦言有時間盡量會參與佛教活動。他說：「太太（袁詠儀）都有嚟，曾經諗過短期出家，但個人心浮氣躁，未到時機。不過3日唔玩電話都算閉關，試1日唔玩先。」若跟太太一起禁言會否好難？Chilam表示若然想試，太太也會配合，又謂過往曾經到尼泊爾、不丹及佛祖成道的菩提樹等朝聖。他說：「兒子3個月會大已經同我去尼泊爾，因為有寧波車圓寂，一定要去。佢都好有佛緣，同我們去聽經會坐定定。」

有傳跟太太袁詠儀於機場鬧交？Chilam說：「好搞笑！我哋真係唔會唔鬧交，但啲人成日問我去追佢定佢追我？佢行得咁快，我點追佢。」問到兩公婆平時為何事鬧交？他笑言芝麻綠豆的事，但認為兩個人一起，永遠不可能做到一致，必會有開心同意見分歧。他說：「我都好牙尖嘴利，要贏一定會贏，好有律師潛質。（經常賴皮？）我唔覺得，但佢會覺得係。兒子都遺傳牙尖嘴利，佢有啲切入點幾好，阿媽（指太太）唔夠佢講。」他又指兒子現年12歲，已是一個大人，父子感覺似兄弟。

雖然魔童只有12歲，但連媽媽袁詠儀都唔夠佢講。

Chilam話曾經諗過短期出家，但個人心浮氣躁，未到時機。