為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2018 年 11 月 18 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

漫活樂園

人生貴乎熱誠,而且做人又點可以冇夢想?鍾舒漫(Sherman)就因夢想而有動力,對音樂充滿熱誠,仲即將喺十二月,舉行入行十一年來嘅首個個人演唱會《鍾舒漫 R u Sher? 演唱會》,令夢想成真。

今次「Paco巨星飯堂」,我就帶Sherman去到位於天后嘅「圍爐」,品嘗特色嘅手工懷舊菜,細說佢實現音樂夢嘅心血。

歌、舞根底都深厚嘅Sherman,正分別為下月舉行嘅演唱會同音樂劇,積極排練,預祝佢Good Show!

 

處女個唱

唔經唔覺,Sherman已經出道十一年,佢終於擁有屬於自己嘅舞台,喺麥花臣場館舉行首場個人演唱會。今次佢仲貫徹其跳唱形象,以快歌〈R U Naughty?〉作為演唱會主題曲。有名牌班底陳詠謙、王雙駿(Carl)製作,後者仲為演唱會擔任監製。

「首歌係為咗今次嘅演唱會製作,係一首舞曲嚟嘅,我成日同人講,演唱會主題係Party,而我嘅Party就係想同大家一齊跳舞,唔係只係坐定定睇表演嘅。陳詠謙當初定呢個歌名嘅時候,亦都係想叫大家做人唔使太拘謹。新歌有加入我喜歡嘅元素,我細個經常聽James Brown,跟住就漸漸愛上Funky,所以連舞蹈都加咗James Brown嘅招牌動作,向偶像致敬。」

哈哈哈!為咗呢個處女Show,Sherman可謂落足心機,身形同體力保持喺top fit狀態外,揀歌同設計環節都花咗唔少心思。「近年麥花臣場館係開Show勝地,我聽人講個場好cozy,咁更加可以做到我嘅Party概念!至於嘉賓方面,我都有同Grace(王君馨)、Janice(衛蘭)同Jill(衛詩)夾過,會表演一個香港冇人做過嘅表演,暫時要保留番少少神秘感。」

我帶Sherman去到位於天后嘅「圍爐」,品嘗特色嘅手工懷舊菜,暢談音樂經。

 

為咗首個個人演唱會,Sherman落足心機,務求12月18日開Show當日,令入場觀眾耳目一新。

 

八寶釀全鴨($520),鴨香滲透入內裏嘅餡料,令人回味。

 

鍋貼大明蝦($180),層次感豐富。

 

香焗鮮蟹蓋($108/個),啖啖蟹肉,值得推介。

 

演上舞台

Sherman喺短時間內迅速完成演唱會主題曲嘅排舞同造型設計,而忙於籌備演唱會嘅同時,佢仲有另一大project進行中。

「我同步為音樂劇《唯獨你是王II》排練,喺劇中我飾演一個已婚嘅女人,因為丈夫喺外面打仗,我就被王祖藍飾演嘅皇帝睇中而搶走,後來仲因姦成孕成為皇后。呢個角色好複雜,我最擔心要掌握佢嘅心態;同時又要為演唱會做宣傳,搞到我忙到冇時間去做Gym。」

為音樂劇排練得如火如荼,Sherman話要好好安排時間:「好彩暫時都唔係咁Heavy,但演技方面要好好咁研究,祖藍好好,知道我缺乏做音樂劇嘅經驗,所以佢同導演都俾咗唔少貼士我。今次係我一個大挑戰,雖然我喺現實中有愛情經歷,但都冇角色嘅經歷咁複雜,希望到時會有驚喜俾到觀眾。」

演唱會後,Sherman就立即要投入同祖藍合作嘅音樂劇公演,所以

 

 

 

煎釀鯪魚($148),先將鯪魚拆肉起膠,再釀入魚身以油炸,隨後蒸煮方為完成,工序繁複。

 

鳳肝金錢雞($280),為傳統手工菜,以冰肉及雞肝製作,香港已經買少見少。

 

食得健康

十二月要連續面對大挑戰,Sherman甘之如飴,而一向注重健康飲食嘅佢,喺飲食上並未有太大變化。

「我平時都係食沙律為主,再唔係就會自己煮一啲比較清淡嘅小菜食,但如果係同啲friend出街食飯嘅話,我就唔會食得咁清嘅,煎炸菜式都會照食,咁都要放鬆吓嘅。

「有時我都會請啲朋友去我屋企,然後就煎啲扒俾佢哋食,配菜就但我平時食慣嘅沙律。我食我健康,都要啲朋友陪吓我吖嘛。」

我欣賞Sherman嘅工作態度,能夠令佢嘅獨有才華發揮得更淋漓盡致,所以我都好期待佢嘅演唱會!

 

大廚兼老闆Ken哥(左)為昔日鳳城師傅,廚藝頂級!

 

Sherman享受入廚樂,但多以清淡菜式為主。

 

大良炒鮮奶($108),炒得香滑,極考工夫。

 

金錢蟹盒($68/個),皮脆餡香,最啱佐酒。

 

楊州炒飯($88),飯粒炒得分明,用足料炮製,入口有現今少見嘅濃郁飯味。

 

圍爐
地址:天后琉璃街13-17號南景樓地舖
電話:25111382 / 25112632