為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 11 月 19 日

趙哲妤甩拖扮開心

一〇年中國小姐、現年三十一歲嘅趙哲妤(Uny),喺一六年尾,未婚生咗囡囡「小魚」後,就一直獨力照顧佢。早幾個月前,Uny就被發現同商人Him拍拖;當時,佢就同東姑講話:「我哋處於了解中階段,之前已經認識,大家有空間發展。」

經過一段時間後,唔知Uny了解到乜嘢程度?日前,東姑有幸參與佢嘅生日會,佢就話同商人Him已經再冇聯絡,唔使再了解嘞。

一向堅強嘅Uny,今次分手,表面完全冇唔開心。喺生日上,佢仲成日都哈哈大笑,更加揸住杯紅酒四圍叫人飲添!呢晚,佢又真係準備咗大量紅酒,似乎想借酒澆愁咁款,只係大家表面睇唔到啫。

Uny同東姑講,佢為咗囡囡開始修讀為期兩年嘅言語治療碩士課程:「我做番全職學生,又要湊女,每朝一早六點起身,半夜先有得唞,好有挑戰性。」 至於佢嘅生日願望,當然係想囡囡快高長大啦!

 

Uny走埋布韋傑身邊,諗住同佢飲杯;不過,對方原來戒咗飲酒同埋食翅好耐。

 

當晚有好多靚女出席,包括:楊玉梅、「餅碎」區文詩、「陳七」老婆劉雅婷等,個個都盛裝撐場,夠晒畀面!

 

「陳七」(陳肇麒)老婆劉雅婷,雖然已經係一子之母,但係身形依然好fit。