為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 11 月 18 日

謝偉俊體貼老婆

現年七十四歲嘅白韻琴(白姐姐,原名:白韻琹),同五十九歲嘅謝偉俊(Paul),結婚廿二年,相交歷時廿九載,婚姻曾傳出有暗湧,而白姐姐又投訴過只有夫妻之名,但就多年冇性生活。其實,清官難審家庭事,東姑淨係見到阿Paul同白姐姐每次出席公開場合時,總係十指緊扣,非常黐纏,恩愛得羨煞旁人,難怪多年前,佢哋曾經被稱為現代版嘅「神鵰俠侶」嘞。

日前,阿Paul又帶住白姐姐出席一個美食活動;期間,老婆話要去廁所,阿Paul立即伸出溫柔之手,拖住佢去搵洗手間。當阿Paul望住白姐姐入咗廁所之後;跟住,佢先開始玩下電話kill time。現場所見,佢對白姐姐嘅體貼同窩心,東姑完全感受得到。查實,兩個人嘅相處,到咗呢個年紀,有幾多激情唔緊要,最緊要能夠相依到老啫。

白姐姐去完洗手間出來時,阿Paul即示意佢慢慢走出圍欄,關懷得無微不至。

 

東姑現場所見,阿Paul成日捉住白姐姐嘅玉手,表現得好恩愛。