烏龍DQ馬建　政治觸覺考起場主

大館總監簡寧天（Timothy Calnin）以「不願成為促進政治利益嘅平台」為由，拒絕為旅居海外嘅中國作家馬建提供活動場地。兩日後，簡寧天收番決定，但外界仍有諸多臆測，有人更將矛頭指向政府。

據悉，政府事前無過問此事，消息人士透露：「馬建出版過一本小說被禁，六四後流亡英國。港府犯不着為佢承受干預學術自由嘅罪名；佢順利抵港更證明政府無插手。」

政界中人相信，事件起因係簡寧天諗多咗，「FCC事件後場地提供者都唔想提供播獨平台，而佢係澳洲人，對香港咁複雜嘅政治環境未必拿捏得準。」過往場地管理人唔使有太多政治考量，但香港變得高度政治化，佢哋睇怕都要再打醒十二分精神。