玩具不一定要買，利用廢物都可以做出好玩又環保的玩具，小朋友同樣玩得開心，以及學懂珍惜。紙皮盒都可以做立體玩具？無錯，有中心開設「牛皮紙板創意藝術工作坊」，利用一個鞋盒便做出一個可以掛在身上的獨角獸玩具；之後，小朋友更可扮演獨角獸，啟發創意之餘，又可以與父母一起做，促進親子感情。

一班小朋友製作好紙板獨角獸後，都急不及待地套上身拍照。

材料簡單

成立了半年的0/1 Art Creation，開設「牛皮紙板創意藝術工作坊」，適合三至八歲的小朋友與家長一起參加。在約兩小時的課堂中，只用一個鞋盒大的紙盒，便可以製作出一個可以掛在身上的立體獨角獸玩具，做法簡單，做完即可扮演獨角獸跑跑跳跳。

該中心的創辦人Natalie表示：「我們的理念是想啟發父母與小朋友，利用日常接觸的物料來做不同玩意，讓他們發揮創意。」這個工作坊主打用紙皮盒，塗上塑膠彩，以及一些常用的日常用品，例如：百潔布、海綿等來作工具，代替畫筆塗色，甚至只用紙板刮盒身等方法，讓小朋友體驗不一定要用正規的工具，探索更多，同時多留意身邊的事物。

小朋友專心地塗塑膠彩在紙板上，發揮創意。

Miki帶同三歲半的囡囡Cydney參加這個工作坊，「平時囡囡有學畫畫，亦有同佢一齊做黏土手工及紮染手作，今次學做這個紙皮獨角獸覺得好特別，做完出來仲可以玩。在過程中，我負責剪貼，囡囡填色，大家分工合作，打算喺屋企都會同囡囡做其他紙皮手作。」