為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 11 月 12 日

莫文蔚密冚真面目

曾經以長腿成為一代性感象徵嘅莫文蔚(Karen),今年已經四十八歲;而只差兩年就年過半百嘅佢,青春真係唔覺唔覺咁溜走!

早前,東姑就喺圓方商場發現Karen嘅芳蹤。嗰日,佢一個人包到冚咁行街,頭戴cap帽之餘,仲戴咗個包到密密實實嘅立體口罩,似係想確保冇人見到佢為妙。一個人逛商場嘅Karen,畀人感覺有啲孤單冷清;後來,佢入咗一間皮具名店睇鞋,真係連店員都完全唔為意到佢,搞到冇乜人招呼呢位大明星。

東姑喺Karen露出嚟嘅一雙眼所見,佢嗰日應該係素顏冇化妝,難怪唔想真面目示人。話晒好多女人都棹忌冇化妝個樣畀人見,尤其係冇化妝而又有番咁上下年紀嘅女人,真係「朱顏辭鏡花辭樹」歲月不饒人喇!

戴住cap帽、口罩嘅Karen,包到冚行街,似乎唔想人認得佢。

 

一個人行街嘅Karen,仲要遮埋真面目,而shopping睇鞋時又冇厘心機,睇嚟心情唔多靚。

 

Karen着條花厘綠嘅運動褲,配個粉紅色袋,似乎有啲格格不入,難怪冇人認到呢位大明星。