彭浩翔抵讚好老公
電影導演彭浩翔，拍過唔少兩性關係嘅電影，好似最出名嘅《春嬌與志明》系列，戲中余文樂飾演嘅「張志明」，唔少仲係彭導嘅自身經歷。戲中嘅「張志明」，大細路唔識得承擔，不過現實中嘅彭導，就係廿四孝好老公。
日前，東姑就喺ifc商場，見到彭導同彭太梁啟緣，夫妻結伴同遊超市買餸、買日用品。現場所見，佢照顧老婆體貼周到，排長龍負責畀錢唔在講，買完嘢大大個環保袋仲由佢一個男人拎晒，免讓愛妻操勞，真係抵讚！而且，佢哋結婚十幾年老夫老妻，平時彭太又會幫老公導演嘅電影，做埋監製，在公在私日對夜對，但仲會蹺晒手行街，認真恩愛！
彭浩翔孖住老婆去超市買餸，排隊畀錢時仲論論盡盡，猛喺袋度搵銀包。
彭太梁啟緣係彭浩翔嘅好情人兼好拍檔，佢監製過彭浩翔唔少執導嘅電影。
兩公婆雖然老夫老妻，但係繞晒手行街，而彭導仲體貼老婆，一個人拎晒大袋嘢。
