為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2018 年 11 月 10 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

從大銀幕到大娛樂家

七十年代喺香港起家嘅嘉禾憑李小龍同成龍電影成功打開國際市場,當時仲引起一片功夫片熱潮,到今日大家都仍津津樂道。公司喺二○○七年併入橙天娛樂,後者創立於二○○四年,年輕嘅橙天遇到轉型中嘅嘉禾,橙天嘉禾(1132)就以新面貌誕生。

截至九月底公司喺香港丶台灣和新加坡共營運三十三個影城共二百七十四塊銀幕;另外在此三地及中國大陸發行電影;並在中港製作電影及電視劇,及為製作融資。電影係娛樂,以前觀眾主要係「睇」戲,內容最重要,但行業一路發展,o依家觀眾入戲院要求有好嘅體驗。所以橙天嘉禾亦有同夥伴合作,喺旗下影城舉辦小型演唱會、歌迷影迷見面會及錄播音樂會等。公司計劃未來積極開拓live show及娛樂綜合體運營業務,希望能引入新增長點。

喺呢個策略下,公司在今年八月訂立協議,計劃收購位於江蘇省江陰市兩幢已竣工嘅綜合商業物業,總建築面積超過九萬三千平方米,如收購落實將會喺裡面經營一座休閒娛樂綜合大樓和一間電影主題酒店,希望可以提供一站式娛樂體驗。娛樂綜合大樓內將會設有多功能影院、VR和AR娛樂,另有兒童設施、遊戲中心,以及潮流消費和餐廳。

至於點潮法,公司舉例,大樓裡面會有生鮮美食市集,參考紐約Chelsea Market同台北上引水產,以產地直送嘅生鮮美食融合私廚定制。而配合九十、○○後嘅消費特徵,有一層係時尚地盤,會將「淘嘅樂趣融入逛街體驗,營造新鮮嘅購物氛圍。」

娛樂大樓當然有影院,但除咗傳統及多功能戲院,仲可以用作培訓、會議、劇場及演出,同時有VR體驗、私人課程、生活服務、密室逃脫等。公司希望重新界定影院嘅價值,提升整體收入。另一幢係以電影作主題嘅酒店,可以借助橙天嘉禾多年電影業嘅經驗。我都好期待日後可以入住以經典電影為主題布置嘅房間。

公司打造娛樂綜合體業務,可以善用多年來累積嘅經驗,亦可拓展和提升現有營運模式。江陰市係第一個試點,如果營運成功,公司計劃日後建立呢方面嘅商譽同品牌,陸續喺其他城市推展。

選擇江陰市係睇中當地嘅發展潛力。中國百大經濟發展城巿之中,江陰市多年來位列前茅。二○一八年全國綜合實力百強縣市之中,江陰市排名第二。當地經濟發展快,而且居民消費力強,同時亦係內地旅客旅遊熱點之一。二○一七年江陰市GDP達到三千四百八十八億元(人民幣,下同),常住人口嘅人均生產總值達二十一萬元,可支配收入逾五萬元,超過好多一線城市。最重要係,當地居民有充裕休閒時間,對娛樂設施有需求,而現有商場較為傳統,當地高消費客寧願開車去附近嘅上海和蘇州消費。

從項目理念、公司背景和當地數據嚟睇,娛樂綜合體的確大有發展空間。橙天嘉禾如果能夠由大銀幕發展到更全面嘅娛樂業務,發展將可再進一步。

橙天嘉禾如果能夠由大銀幕發展到更全面嘅娛樂業務,發展將可再進一步。