為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 11 月 02 日

82歲搲劇拍 揭謝賢有威猛賓賓貼身服侍

現年八十二歲的謝賢(四哥),雖然有孝順仔霆鋒愛錫,提供生活費及住大屋;不過,今年七月,他跟細四十九年的內地女友CoCo甩拖後,直認生活枯燥乏味,故不惜唔收錢、抓撈接拍無綫新劇《法證先鋒IV》打發時間。

四哥隆重登場演出,身為該劇監製的梅小青透露會出動一隊人去服侍他;不過,向來有要求的四哥,寧願找來自家的菲律賓男傭代為照顧。日前,他出席造型會時,一名身高近六呎的年輕威猛賓賓,猶如G4一樣,不僅一眼關七,並全程貼身侍候主子。

年屆八十二的四哥,被嫰女友CoCo飛甩後,現時都由男賓賓跟出跟入。日前,他到電視城試新劇造型,男賓賓就全程伺候左右。

 

生活枯燥

四哥自從跟CoCo結束十二年的「爺孫戀」後,並不享受單身生活,「冇拖拍先死,真係好悶,起身就望住個海,早餐、食飯都係一個人,好枯燥。o依家有少少嘢搵我做,就開心啲,否則真係好似坐監咁。」他更自誇依然有魄力︰「有人請我,做乜都做!」最近,他就答允接拍無綫新劇《法證先鋒IV》,過下日辰,就連阿仔霆鋒都大表支持︰「佢呢個年紀,最緊要搵到自己想做嘅事。」

上周三(廿四日),他在鄭希怡和黃心穎陪同下,壓軸現身《法》劇的試造型。向來風趣鬼馬的他,就自認是戲癮發作,故主動向監製梅小青抓撈,「我話拍第四集都唔搵四哥?我求監製畀我入組,今次仲唔收錢做義工,因為係我自投羅網。」而梅小青指會對四哥特別照顧,「如果要畀,我哋點畀得起錢請四哥。我哋已安排咗一隊人特別服侍佢;其實佢好好,話拍廿四小時都得。」據悉,四哥在新劇中只參演其中一個單元,飾演社團大佬,跟米雪最多對手戲,他一出場更要使出「招牌兜巴星」掌摑女演員。

四哥的司機(左)及男賓賓(中),全程低調在企在一邊,遠遠地守候着主子。

 

即使平日出街,四哥也會帶着男賓賓。日前,在中環,有粉絲上前跟四哥打招呼,男賓賓即小心打量陌生人。