近年，張繼聰熱愛跑步做運動，以爆肌大隻佬形象示人，八年前更計劃修心養性為了子女健康揚言戒煙，做個健康好爸爸。不過，阿聰其實一直未能戒煙成功，近年煙癮更愈來愈深，最近更由吸手捲煙，進化吸食加熱電子煙。

日前，阿聰為林敏驄執導的賀歲電影《如珠如寶》開工，未埋位期間煙不離手；而拍攝時，他竟連做簡單的跳躍動作都表現辛苦，似乎愈吸愈謝。

八年前，阿聰曾揚言為乖仔張瞻的健康戒煙，至兩年前生女仍未戒甩，一直未有兌現承諾，相反謝安琪則非常健康，從不吸煙。

資深煙民

現年三十八歲的張繼聰（阿聰）是圈中資深煙民，開工以外經常被拍到煙不離手，早在八年前、兒子張瞻三歲時，他曾表示為阿仔着想，以及希望作為年輕人的好榜樣實行戒煙，可惜戒極唔甩。直至兩年前，老婆謝安琪話追女積極造人，他才減少吸煙數量，為生B做足準備。不過追女生成功後，阿聰的煙癮反而有增無減，最近更轉吸政府倡議禁制的電子煙。

日前的中午，阿聰與林盛斌（阿Bob）、恬妞、泰迪羅賓、吳耀漢、吳嘉龍等，為林敏驄執導的賀歲片《如珠如寶》到上環開工。當日先由阿Bob、恬妞、泰迪羅拍攝一場車戲，而未有份埋位的阿聰，一個人坐在一邊，且心事重重。他於是借吸食加熱電子煙解愁，全程幾乎煙不離手，吸完一支又一支，即使與劇組傾偈吹水時，亦沒有停過，幾乎吸一口講一句。至埋位時，林敏驄要求他做出飛撲擋波動作，平日有做開運動的他，這個動作當然沒有甚麼難度，話跳就跳；不過，他跳完兩次後，即表現得上氣唔接下氣，苦口苦面，彷彿成個人謝晒！連在場已年屆七十歲的吳耀漢，都表現得比他更加精神。

阿聰除了煙駁煙無厘神氣之外，其實，他近一年為囡囡張靖搵奶粉錢，不斷瘋狂接戲，由一七年尾至今已拍了逾七部電影，包括：《告別之前》 、 《低壓槽》、《洩密者》、《L風暴》、《古宅》、《八步半喜怒哀樂》、《風再起時》等， 幾乎全年無休，亦難怪他一日比一日殘。

日前，阿聰拍電影《如珠如寶》時，匿埋一邊喪吸加熱電子熱，懶理政府禁制，愈禁愈食。

雖然發現有記者影相，但阿聰仍忍唔住拎支電子煙偷吸，可見煙癮十分大。