為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 11 月 04 日

陳瀅抄牌笑騎騎

有「宅男女神」之稱嘅陳瀅(Jeannie),最近喺新劇《跳躍生命線》中飾演護士,而劇中呢個「白衣天使」放工後會變得好野性不羈,仲會揸住架兩個轆嘅「烈火戰車」去颷車。

早前,東姑就喺觀塘一個商場,見到Jeannie出席一個活動,奇就奇在商場大大個停車場佢唔泊,竟然將架過百萬嘅波子跑車,隨隨便便泊喺街邊禁區。東姑仲親眼睇住交通督導員,抄佢牌出告票罰款三百二十蚊。

不過,好難得Jeannie做完活動,返去攞車見到張「牛肉乾」,仲一味笑騎騎,完全冇黑面或者發脾氣,表情反而似係唔好意思多啲。Jeannie EQ咁高,仲成日笑容滿臉,「女神」呢啲爽朗嘅性格,先最仙氣、最吸引人!

抽住條裙趕返去攞車嘅Jeannie,見到被抄咗牌都冇介意,仲笑騎騎表示好歉意咁款。

 

將過百萬波子跑車泊街嘅Jeannie,車旁邊就已經有大大個禁止泊車告示牌喺度,明知而故犯,又難怪交通督導員冇情講,抄佢牌,罰佢三百二十蚊啦!