為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 親子天地  > 母心肝 2018 年 11 月 01 日

《東張西望》主持梁麗翹 感恩丈夫幫手湊女

初生BB由父母親力親為照顧,互動和安全感足夠,當然有助提升親子關係。無綫藝人兼《東張西望》主持梁麗翹(Nicole),與丈夫計劃生BB時,已決定以家庭為首要地位,照顧BB為重;丈夫除了閱讀不少育兒書籍外,也有從陪月的實戰上學習,所以湊女方面非常熟手。難怪Nicole直言現階段感到非常幸福,有自己喜歡的工作和家庭,已經心滿意足。

Nicole和丈夫覺得當BB睡醒時,望見父母在身邊,隨即所展示的笑臉是最甜蜜的。

 

湊女親力親為

無綫藝人兼《東張西望》主持梁麗翹(Nicole),去年與金融才俊Nic結婚。由於兩人皆喜歡小朋友,婚後火速造人成功,囡囡Nanette在今年五月出世,樣子可愛,似足爸爸。迎接新生命的來臨當然開心,但Nicole聘請的菲傭「貨不對辦」,在BB出世不久便辭退她,照顧女兒和做家務便落在夫妻倆身上。新手媽媽Nicole深深感受到育兒的攰和開心,「以前覺得做完一日嘢或者玩完會好攰,但生完BB覺得攰係無止境,但攰得來很開心!」

幸而,Nicole和丈夫的工作時間彈性,兩人在計劃生BB時已決定犧牲個人時間,將家庭放在首位,所以能夠貼心又貼身地照顧女兒。不過,Nicole在BB出世後曾兩次患上乳腺炎,但她仍堅持餵哺母乳。雖然辛苦,幸得丈夫體諒,更全面承擔湊BB女的責任,令她感動又感恩,「佢喺我大肚時,已睇好多育兒書,加上我哋有請一個月陪月;期間,佢學識幫囡囡沖涼、換片、餵奶,所以好熟手,我反而係佢幫手;另外,我患乳腺炎時,佢叫我好好休息,乜都唔好做,所以都幾感動。」

囡囡可愛又易湊,出世後六個星期已自行戒夜奶,三個多月學懂轉身,原來Nicole和丈夫都有一套湊女模式,「我哋訓練佢『eat、 play、 sleep』的模式,佢o依家約每三個鐘飲一次奶,玩一陣就瞓,循環呢個模式,可能咁樣會令佢易湊啲。」Nicole表示,兩夫婦現時做所有決定都會以女兒為先,而自己亦為她改變不少壞習慣,吃得健康、多做運動和早睡等,為女兒做個好榜樣。

成為人母後,梁麗翹一邊湊女,一邊主持《東張西望》,家庭與事業均保持平衡。

 

她和丈夫都愛自己湊BB,一家三口夠晒互動。