為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 10 月 29 日

丁子朗吊起打欖球

被譽為「大隻小鮮肉」嘅丁子朗(朗朗),早前喺《森美旅行團》非常之搶鏡,大家對佢嗰六嚿腹肌加人魚線,都印象難忘。近來,朗朗正為無綫新劇《解決師》拍攝得如火如荼,劇中佢飾演中學欖球隊嘅隊員,編劇當然加重佢戲份,畀佢有多啲發揮機會。

早前,東姑就見佢喺京士柏球場,同多位演員一齊拍攝一場打欖球嘅場面。現場見佢身上吊咗條威吔,等佢可以好似「少林足球」咁好身手,打波好似打到識飛。可憐佢喺烈日之下,拍呢場打波戲,仲要畀威吔吊高吊低,直頭辛苦到攞命搏!係就係冇拍旅遊節目咁「梳乎」,但拍劇始終最易「入屋」,公司都係畀盡機會佢上位啫!

烈日當空下,朗朗要拍攝一場打欖球嘅戲,仲要畀人吊住威吔揈來揈去,認真辛苦!

 

為咗營造佢好似「少林足球」咁好身手,朗朗身上綁住條威吔,由幾個武師拉起佢,拍出佢打波打到曉飛嘅場面。

 

喺球場上又跑又跳又飛身搶波嘅朗朗,演出好賣力!