為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 10 月 21 日

任達華快速扯煙

現年六十三歲嘅任達華(華哥),外貌同身形都保養得宜,可能食得多由佢代言嘅保健產品,早三粒、晚三粒,所以就算年紀大,都仲咁有健康同活力。

早前,東姑喺中環巧遇佢,現場見佢一身黑衫、黑褲、孭住個軍綠色背囊,一身型佬嘅打扮,行色匆匆,唔知趕住去邊?不過,最勁都係佢孭住個大背囊,對腳仲好似裝咗摩打咁快;而且身手好敏捷,途中佢一個閃身就匿咗入後巷,再快快脆以極速扯咗半支煙,睇嚟係頂住煙癮先,然後就趕入銀行辦理財務。東姑斷估,佢因為要保持健康形象,所以食煙都食得閃縮,兼夾趕頭趕命。其實咁又有乜謂呢?不如都係及早戒甩煙癮,咁先係真真正正享受健康生活啦!

華哥雖然孭住個大背囊,但係健步如飛,對腳好似裝咗摩打一樣,真係要讚佢活力充沛喇!

 

閃身匿入後巷嘅華哥,原來煙癮起,匿埋極速扯咗半支煙頂癮。

 

去銀行途中,都不斷有途人同華哥打招呼,而佢都好有禮貌咁同番人say hello。