為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 10 月 18 日

冷待土地大辯論 土組尷尬:報告點落墨?

特首林鄭月娥任內第二份《施政報告》出爐,當中喺交椅洲及喜靈洲打造人工島嘅建議成為焦點,外界除咗關注造價會否燒掉儲備外,另一個關注點係該島面積,報告建議嘅面積係一千七百公頃,較土地小組大辯論時提出嘅填海方案足足多咗七成。

出現咁大落差,據發展局局長黃偉綸嘅解釋,係因為政府內部檢視土地小組提交嘅初步報告後,「拓展署和規劃署曾就技術層面進行研究,包括研究水流等,覺得就算一千七百公頃都可行。」據悉,林太睇完所有資料後,拍板擴大該島面積至一千七百公頃。

但呢個決定令土地小組異常尷尬,因為嚟緊小組要就大辯論寫終期報告,「當時做諮詢係建基於填海一千公頃,但o依家政府拍板多咗七成,咁寫報告時應該點樣落墨呢?」有小組成員說。小組消息人士續稱,政府已有決定,終期報告已變得不重要,完全被人架空,「最慘係個面積都已經outdate。」有成員認同,o依家呢個局面,更令人覺得小組好廢,「曾婉轉地向政府反映不滿,但都無濟於事。」

土地小組就土地供應進行大辯論,其中一個方案係喺東大嶼填海一千公頃,沒料政府最後拍板填多七成,畀人覺得小組討論過乜都唔再重要。

 

據悉,林鄭參考資料文件後,最後拍板填海一千七百公頃。